Nnigh ad etturugh tallasin g teghmert ddegh s imik s imik. Ccurat mayd awen idhren. Tanemmirt.
Azegzaw.
Tawlaft 1:
Mayd yaghen amadal aligh yefregh. Dinna tekkit yella degs “walayenni”.
Iffeghd Edwardo segg urti ar yetteqqel i ttobis tama n lfirma n urumy. Tobis wer da yettaettar ku ass. Walayenni assa idher idd is iqqand ad iqqel ugaar n mayd innemyar.
Tbedda tama nes yat trumit. Tecghel es wazzar nes awragh yettawi uzgu n Il Atlantik. Ur da ettsuggur es awed hah. Qqurent talnn nes g tarut. Wakha lant datas wahli n tadderwin aerrecnin. Iggidy lehdid izerrin tamanes. Ghas hgal walu la lehdid la walu.
Isuggenn Edwardo gher zars. Yenna ad yerzen imi nes yine kra. Walayenni ur ighiy. Mad tra ad tini ghar as d uqerru nes. Iwa mec tenna hat ghas ira g tigira n wawal adett yawi gher taddart nes. Netta iga latino. Bu wazzar ungal. Tasbelyunit neghedd uress akw mit ad idan awal nes g taddart. Isul ar ittxemmam. Tenna asd:
“azul, ssurf eyi reabegh magh alligh iaetter tubis ddegh, is ur tessinet makhf?”
“uhu”
Yesswerri ixf nes s tesga yaden. Ur iri ad as yefk aqmu nes. Iksud ad tgher degs id is yeggwed. Ur djin ibdi d tawda nes. Da iss ittmun abda. Zund tigditt. Iman iss abda. Dinna yekka. Idsent tikkal tigditt tella agensu nes. Tedder degs.
G urti n urumiy da ixeddem am ughyul. Ku ass seg tiss ssa n tifawt ar tiss ssa n tdeggwatt. Seg mayd yedda s tmazirt n marikan. Lligh zman. Uggar n kkuz n iseggwasen.
Yenna yas Alfredo, hat yuf ak add teddut s Texas. Yufak adenn teddut ad tesskert iqariden hetta key amm medden. Tebnut taddart i mmanek. Addej ghift tawuri n i dMaquillas hat ghas akk nghin s tamara. Nekk ad ak eskergh tiwiqin esskergh ak kull mayd trid.
“urs mayd yaghen zzmer ddegh allig laht” tenas trumit.
“emm” kudd ittini emm yeswerruy awal nes g ixf nes. Wiha, mayd yaghen ta, mayd tra. Uhu. Awal nes ur ryi yeajib. Tirumyin ddegh ur degsent tiqa. Tarumit tawraght ur tgi tin wawal. Tga ghas tin kra yaden safi taddejt zzmer ad yeddu.
“ur djin agh yuddji anecht a . wah ugar n uzgen n ssaat aya”
“iwa sber a welt ma… ur tgit tarumit..righ ad inigh tamarikanit?”
“uhu.. nekk gigh Tamazight..maana Berbere seg uyeffus n tefriqt… Morocco”
“
No comments:
Post a Comment